မြတ်စွာဘုရား ပဋိသန္ဓေယူခြင်းနှင့် ပတ်သက်၍ တိ-မွေးကုဆရာဝန်တစ်ယောက်နဲ့ ဆွေးနွေးဖြစ်ခဲ့ပုံ

မှတ်မှတ်ရရ ၂၀၀၉ ခုနှစ်။ ချင်းတောင်တန်းကို သွားခဲ့တုန်းက တိ-မွေးကုဆရာဝန်တစ်ယောက်နဲ့ ဘာသာရေးအကြောင်းတွေ ပြောဖြစ်ခဲ့တယ်။ တစ်နေ့ ကျောင်းမှာ စကားစပ်မိတာနဲ့ မြတ်စွာဘုရား၏ ပဋိသန္ဓေယူတာနဲ့ ပတ်သက်ပြီးတော့ သူက မေးတယ်။
=အရှင်ဘုရား မြတ်စွာဘုရားက ၀ါဆိုလပြည့်နေ့မှာ ပဋိသန္ဓေယူတာနော်။
=ဟုတ်ပါတယ်။ ဘာလို့လဲ။
=တပည့်တော်ကို တချို့က ပြောဖူးတယ်။ မြတ်စွာဘုရားက နတ်ပေးတဲ့သား။ မေထုန်မဲ့သားဆိုပြီး ပြောဖူးတယ်။ တပည့်တော် မရှင်းဘူးဖြစ်နေတယ်။
အရှင်ဘုရား ၀ါဆိုလပြည့်နေ့မှာ မယ်တော်မာယာဟာ ဥပုသ်စောင့်ထားတာ မဟုတ်ဘူးလား။ ရှစ်ပါးသီလထဲမှာ ကာမေသုမိစ္ဆာစာရ(မေထုန်မှုမှ ရှောင်ကြဉ်ခြင်း) သီလပါတယ်လေ။ အဲဒီနေ့က သီလစောင့်ထားလျှက်နဲ့ သီလကျိုးတာလား။
ဆရာဝန်က သူ့စဉ်းစားမိတာလေးတွေကို တင်ပြတယ်။
=ဒကာကြီး။ ဟုတ်ပါတယ်။ အဲဒီနေ့ ရှစ်ပါးသီလ စောင့်ထားတယ်။ သီလမချိုးပါဘူး။ သီလလဲမကျိုးပါဘူး။ မယ်တော် မာယာဟာ ၀ါဆိုလဆန်း (၉)ရက်နေ့ ကနေ ၀ါဆိုလဆန်း(၁၄)ရက်နေ့အထိ (၆)ရက်တိုင်တိုင် သေရည်သေရက်သောက်စားခြင်းမပါတဲ့ ပွဲလမ်းသဘင်တခုကို ဆင်နွဲတယ်။ နောက်နေ့ ၀ါဆိုလပြည့်နေ့ရောက်တော့ စောစောစီးစီးကိုယ်လက်သန့်စင်ပြီး ရှစ်ပါးသီလဆောက်တည်ပြီး နေလိုက်တယ်။ ညရောက်တော့ ဘုရားအလောင်း သေတကေတုနတ်သား နတ်သက်ကြွေစုတေတော်မူပြီး ၀ါဆိုလပြည့်၊ ကြာသာပတေးနေ့မှာ ဘုရားလောင်းတော် ပဋိသန္ဓေယူတော်မူပါတယ်။
=ဆရာဝန်က ကြားဖြတ်ပြီးပြောတယ်။ အဲဒီမှာ တပည့်တော် မရှင်းတာပဲ။ အဲဒီနေ့ သုဒ္ဓေါဓနမင်းကြီးနဲ့လဲ မေထုန်မှု မပြုဘူး။ ပြုတယ်ဆိုရင်လဲ မယ်တော်မာယာ သီလကျိုးသွားပြီ။
=ဒီလိုရှိတယ် ဒကာကြီး လူသားတစ်ယောက် ပဋိသန္ဓေယူဖို့အတွက် အချက်သုံးချက်လိုတယ်။
၁။ အမိနှင့်အဖ(ယောက်ျားမိန်းမ) ကူးလူးဆက်ဆံခြင်း
၂။ အမိဝမ်းတွင်းသို့ ရောက်ထိုက်သော သတ္တ၀ါ အဆင်သင့်ရှိခြင်း
၃။ မိခင်(အမျိုးသမီး)၏ ဥတုဓမ္မတာလာပြီးစဖြစ်ခြင်း ဆိုတဲ့ ဒီအချက်သုံးချက်လိုတယ်။

မယ်တော်မာယာဟာ ၀ါဆိုလပြည့်နေ့ မတိုင်ခင်ကတည်းက မင်းကြီးနဲ့ မှီဝဲထားပြီးသား။ တစ်ကြိမ်မှီဝဲထားရင် သုတ်သွေး သုတ်ကောင်တွေဟာ ၇- ရက်ထိ အသက်ရှင်နိုင်တယ်ဆိုတာ ဦးဇင်းတို့ စာပေမှာ ပြထားတာရှိတယ်။ ဆေးပညာအရလဲ သုတ်ကောင်တွေဟာ ၃၆ နာရီအထိ အသက်ရှင်နိုင်တယ်ဆိုတာ ပြောထားတယ်။ ဒါကြောင့် ၀ါဆိုလပြည့်နေ့မှာ မေထုန်မှီဝဲတာလဲမဟုတ်ဘူး။ အရင်နေ့က သုတ်ပိုးတွေက ၀ါဆိုလပြည့်နေ့အထိ အသက်ရှင်ပြီးတော့ ဘုရားလောင်း ပဋိသန္ဓေယူတာပါ။ မေထုန်မဲ့သားလဲ မဟုတ်ပါဘူး။ နတ်ပေးတဲ့သားလဲ မဟုတ်ပါဘူး။ မယ်တော်မာယာလဲ သီလမကျိုးခဲ့ပါဘူး။
=အော်…ဟုတ်သားပဲ ဘုရား။ တပည့်တော် ဆရာဝန်ဖြစ်ပြီးတော့ သုတ်သွေး၊ သုတ်ကောင်အကြောင်းကို မစဉ်းစားမိဘူးဖြစ်နေတယ်။ ဟုတ်တယ်ဘုရား။ ရှင်းသွားပြီဘုရား။

အော် ..ပတ်ဝန်းကျင်

အော် ပတ်ဝန်းကျင် ပတ်ဝန်းကျင်

ဒီ ပတ်ဝန်းကျင်ကြောင့်လည်း

တို့တတွေ ပျော်ရွှင်မှု ရကြတယ်။

ဒီ ပတ်ဝန်းကျင်ကြောင့်လည်း

စိတ်ဆင်းရဲမှုတွေ ဖြစ်ရပြန်ရော

မလိုတမာ လိုသကာနဲ့

တော်တော် ခက်တဲ့ ပတ်ဝန်းကျင်မျိုးလဲ

ရှိတတ်ပါသေးလား။

မရှိမကောင်း ရှိမကောင်း

မပေါင်းလဲခက် ပေါင်းလဲခက်တဲ့

ပတ်ဝန်းကျင်

ဘာပဲဖြစ်ဖြစ်လေ

ခဏတာကြုံရတဲ့ဘ၀လေးမှာ

ကိုယ့်ရဲ့အပြုအမူတွေကြောင့်

တစ်ပါးသူ ဒုက္ခမဖြစ်ရအောင်တော့

နေသွားသင့်တာပေါ့။

                   ကိုသာ ချင်းတောင်တန်း

ဖြတ်ရခက်တဲ့ကြိုး

သံယောဇဉ်ဆိုတဲ့ ကြိုးတစ်ချောင်း

ဖြတ်ဖို့ဆိုတာ ခက်ခဲတယ်။

ဗုဒ္ဓဒေသနာအရတော့

ဖြတ်ရမယ့်ကြိုးတစ်ချောင်းပါ။

ဒါပေမယ့်

ပုထုဇဉ်ဆိုတဲ့စာလုံးက

ကျွန်ုပ်မှတ်ပုံတင်မှာ အမှန်ခြစ်ပြနေတော့

တော်တော်တော့ အခက်သား။

အဖြစ်အပျက်တွေက မြန်ဆန်ပေမယ့်

မနေ့ကလိုပဲ ထင်မိတယ်။

အော်..

မနက်ဖြန်ဆိုတာ

လူတွေက သတ်မှတ်ထားတဲ့

အချိန်ကာလတစ်ခုပါ။

ဒါကိုတော့ စွဲလမ်းနေလို့မရဘူးလေ။

                 

                       ကိုသာ.ထီလာမောင် ချင်းတောင်တန်း

မနက်ဖြန်ဆိုတာ ခဏတာမှောင်မိုက်ခြင်းပါ

၂၀၀၉ ဇန်န၀ါရီ ၁၄ - ရက်

လေဝေ့တစ်ချက်မှာ မြူရနံ့လေး သင်းနေတယ်။

တောင်ထိပ်မှာ မေးတင်နေတဲ့ နေမင်းကြီး

အော် ..တစ်နေ့တာ နှုတ်ဆက်တော့မှာပါလား။

ပြန်ဆုံမယ်နောက်ရက်

မနက်ဖြန်ဆိုတာ ခဏတာမှောင်မိုက်ခြင်းပါ။

ဝမ်းနည်းစရာတော့ မလိုပါဘူး။

နေ၀င်ချိန်တွေကို ထောင်ပေါင်းများစွာ

ကြုံခဲ့ရပြီလေ။

ဒါပေမယ့်

မျက်ရည်တွေဝဲနေတဲ့

တောင်တန်းပြာတွေကိုတော့

သနားမိတယ်။

နေညိုချိန်မှာ အမြဲပြုံးပြတတ်တဲ့

ကိုယ်တို့ရဲ့ ရွှေမန်းတောင်ကိုတော့

ဘယ်ရောက်ရောက် သတိရနေတယ်။

ငါတို့ခြေရာတွေ အက်ကြောင်းထပ်နေတဲ့

ရွှေမန်းတောင်

ခုတော့လဲ လွမ်းစရာလေးတွေ ဖြစ်ကုန်ပြီလေ။

                     ထီလာအရှင်သာသန

သီလမရှိရင် ၀ီရမရှိဘူး

သီလမရှိရင် ၀ီရမဖြစ်ဘူး သီလရှိမှ ၀ီရဖြစ်မယ် ဆိုတဲ့စကားလေးက သိပ်ကောင်းတယ်။ စာအုပ်တစ်အုပ်မှာ ဖတ်ဖူးတာ။ (ဦးဘုန်း၊ဓာတု ရေးတဲ့စာအုပ်)။ဆိုလိုတာကတော့ သီလမရှိရင် သတ္တိမရှိဘူး။ ရဲရင့်မှုမရှိဘူး။ သီလရှိမှ ရဲရင့်မယ်ဆိုတဲ့သဘောပါ။ ၀ီရဆိုတာ သတ္တိရှိတာ၊ ရဲရင့်တာကို ဆိုလိုတာ။ ဥပမာ သူငယ်ချင်းနှစ်ယောက် တစ်ယောက်က အခြားတစ်ယောက်ကို တစ်ခုခု လိမ်ညာထားတယ်ဆိုရင် လိမ်ထားသူက မုသာဝါဒသီလကို ကျူးလွန်ထားတယ်လေ။ ဒါဆိုရင် သူ့သူငယ်ချင်းဆီသွားတဲ့အခါ သူငယ်ချင်းနဲ့ တွေ့တဲ့အခါ ရဲရဲဝံ့ဝံ့ မပြောရဲ မဆိုရဲတော့ဘူး။ ဘာလိုလဲဆိုတော့ ငါလိမ်ထားတာများ ပေါ်မလား၊ လိမ်ထားတာပေါ်သွားရင် ငါ့ကိုတော့ မုန်းတော့မှာပဲဆိုတဲ့ အတွေးလေးတွေဖြစ်မယ်လေ။ ပြောရရင်တော့ သူ့သူငယ်ချင်းအပေါ် သီလမရှိတော့ ၀ီရမရှိ ဖြစ်သွားတာပေါ့။ ဒါကြောင့် ၀ီရဖြစ်ချင်ရင် သီလရှိအောင်နေသင့်တယ်။