မန္တလေးရောက် .အောက်ပိုင်းသားနှင့် ဒေသိယစကား

..................................................................
အောက်ပိုင်းမှာ......ထီပေါက်စဉ်
မန်းတလေးမှာ.....ပေါင်းချုပ်
အောက်ပိုင်းမှာ....ခုံဖိနပ်
မန်းတလေးမှာ....ရေစိုစီး
.......................................
တစ်နေ့ ..အဆောင်ရှေ့မှာ....ကောင်လေးတစ်ယောက်..လကုန်ပြီး ထီပေါက်စဉ် လိုက်ရောင်းတယ်။ ...ပေါင်းချုပ်၊ ပေါင်းချုပ်နဲ့....အော်ရောင်းတယ်။ အောက်ပိုင်

းသား ကျောင်းသားက.....စားစရာအသည် မှတ်လို့ ...ပေါင်းချုပ် မစားဘူးဖူး..၀ယ်စားဦးမှပဲဆိုပြီး လှမ်းခေါ်ပြီး ..ပေါင်းချုပ် တစ်ရာဖိုးလောက်ပါ.....တဲ့။
............................................
ခုံဖိန်သည် လာတော့လဲ.....ရေစိုစီး ..ရေစိုစီး...လိုက်ရောင်းတယ်။ သူ့နားထဲမှာ...ရေစိုစေ့ ဆိုပြီးကြားတော့.........ရေစိုစီး.....တစ်ရာဖိုးတဲ့ဗျာ....(မန်း..န.ပ.သ အဆောင် ၁၉ အမှတ်တရ)

လူ့ပြည်နှင့် တမလွန်ခရီး ဘယ်လောက်ဝေးသလဲ

     လူ့ပြည်နှင့် တမလွန်ခရီးသည် အဘယ်မျှလောက် ဝေးကွာသနည်း။ ဤအကြောင်းအရာနှင့် ပတ်သက်၍ -

(က) လူ့ပြည်မှ သေလွန်၍ လူ့ပြည်၌ ပြန်ဖြစ်သောသူ၊

(ခ)လူ့ပြည်မှ သေလွန်၍ နတ်ပြည်,ဗြဟ္မာ့ပြည်တို့၌ ဖြစ်သောသူ၊

(ဂ) လူ့ပြည်မှ သေလွန်၍ ငရဲပြည် တို့၌ ဖြစ်သောသူ၊

        ထိုသူတို့သည် လူ့ပြည်မှ တစ်ပြိုင်နက် သေလွန်(စုတေ)ကြကုန်သည်ရှိသော် လူ့ပြည်၊ နတ်ပြည်၊ ဗြဟ္မာ့ပြည်၊ ငရဲပြည်တို့တွင် တစ်ပြိုင်နက် ရောက်ကြကုန်သလော။ သို့မဟုတ် အတားအဆီး၊ အနီးအဝေး အလျောက်  ရှေ့နောက်ခြားနားပြီးမှ ရောက်ကြကုန်သလော ဟူသော ပြဿနာမျိုးကို လူတိုင်းသိလိုကြ၏။

        အထက်ပါ ပြဿနာရပ်နှင့် ပတ်သက်၍ မိလိန္ဒမင်းကြီးသည် အရှင်နာဂသိန်မထေရ်အား အောက်ပါအတိုင်း မေးခဲ့ဖူးလေသည်။

        ““အရှင်ဘုရား ဤလူ့ပြည်၌ သေဆုံး၍ ဗြဟ္မာ့ပြည်တွင် ဖြစ်လာသောသူနှင့် ဤလူ့ပြည်၌ သေဆုံး၍ ကသ်္မီရတိုင်းတွင် ဖြစ်လာသောသူတို့တွင် အဘယ်သူက ကြာမြင့်၍ အဘယ်သူက လျင်မြန်စွာ ဖြစ်ပါသနည်း””

        ““မင်းကြီး ထိုသူတို့နှစ်ယောက်သည် အချိန်ကာလအားဖြင့် အညီအမျှပင် ဖြစ်ပေ၏””

        ““အရှင်ဘုရား ဥပမာပေး၍ ရှင်းပြတော်မူပါဦး””

        ““မင်းကြီး သင်သည် အဘယ်အရပ်၌ ဖွားမြင်ခဲ့ပါသနည်း””

        ““အရှင်ဘုရား (အလသန္ဒကျွန်းရှိ) “ကလသိ”မည်သော ရွာ၌ဖွားမြင်ပါ၏””

        ““မင်းကြီး ထိုကလသိရွာသည် ဤသာဂလမြို့တော်မှ မည်မျှဝေးသနည်း””

        ““အရှင်ဘုရား ယူဇနာနှစ်ရာ ဝေးပါ၏””

        ““မင်းကြီး ကသ်္မီရတိုင်းသည် ဤသာဂလမြို့တော်မှ မည်မျှကွာဝေးပါသနည်း””

        ““အရှင်ဘုရား တစ်ဆယ့်နှစ်ယူဇနာ ဝေးပါ၏””

        ““မင်းကြီး ကလသိရွာကို အောက်မေ့,စဉ်းစားလိုက်ပါလော့””

        ““အရှင်ဘုရား အောက်မေ့,စဉ်းစားပြီးပါပြီ””

        ““မင်းကြီး ကသ်္မီရတိုင်းကို အောက်မေ့,စဉ်းစားလိုက်ပါလော့””

        ““အရှင်ဘုရား အောက်မေ့,စဉ်းစားပြီးပါပြီ””

        ““မင်းကြီး ထိုနှစ်ခုတွင် မည်သည့်အရပ်ကို အချိန်ကြာကြာ အောက်မေ့,စဉ်းစားရပါသနည်း။ မည်သည့်အရပ်ကို လျှင်မြန်စွာ အောက်မေ့,စဉ်းစားရပါသနည်း””

        ““အရှင်ဘုရား အချိန်ကာလအားဖြင့် အညီအမျှပင် ဖြစ်ပါ၏””

        ““မင်းကြီး ထို့အတူပင် ဗြဟ္မာ့ပြည်နှင့် ကသ်္မီရတိုင်းရှိ ပဋိသနေ်္ဓနေသူ အသီးသီးသည် အချိန်ကာလအားဖြင့် အညီအမျှပင် ကြာလေ၏။ မင်းကြီး ကောင်းကင်၌ ပျံသွားသော ငှက်နှစ်ကောင်တွင် တစ်ကောင်သည် သစ်ပင်အမြင့်၌လည်းကောင်း၊ တစ်ကောင်သည် သစ်ပင်အနိမ့်၌လည်းကောင်း တစ်ပြိုင်နက် နားလေ၏။ ထိုငှက်နှစ်ကောင်အနက် မည်သည့်ငှက်၏ အရိပ်သည် မြေကြီး၌ ရှေးဦးစွာ ထင်၍ မည်သည့်ငှက်၏ အရိပ်သည် ကြာမှ(နောက်မှ) ထင်လေသနည်း””

        ““အရှင်ဘုရား ငှက်နှစ်ကောင်၏ အရိပ်သည် မြေပြင်ပေါ်၌ တစ်ပြိုင်နက်တည်း ထင်ပါ၏””

        ““မင်းကြီး ထို့အတူပင် ဗြဟ္မာ့ပြည်၌ ဖြစ်သူနှင့် ကသ်္မီရတိုင်း၌ ဖြစ်သူနှစ်ဦးတို့လည်း အချိန်ကာလအားဖြင့် အညီ အမျှပင် ဖြစ်ပါ၏” ဟူ၍ ဖြေဆိုခဲ့လေသည်။

တမလွန်ဘ၀ရှိနိုင်ပုံယုတ်္တိများ

   တမလွန်ဘ၀ကို ယုံကြည်မှုသည် လူတို့၏ ပင်ကိုယ်ဆန်းစစ်တွေးခေါ်မှုအရ ပေါ်လာခြင်း ဖြစ်သည်။ လူသည် အသိဉဏ်ကို အသုံးပြုတွေးခေါ်တတ်စကပင် ““လူသည် ဤဘ၀သို့ မရောက်မီ ယခင်က တစ်စုံတစ်ခု ဖြစ်ခဲ့ဘူးခဲ့သလော၊ လူသေပြီးသည့်အခါ တစ်စုံတစ်ခု ဖြစ်ရန်ရှိသေးသလော၊ သို့မဟုတ် လူသည် ယခုပစ္စုပ္ပန်ဘ၀တွင်စပြီး ယခုပစ္စုပ္ပန်ဘ၀တွင်ပင် ပြီးဆုံးသွားတော့ မည်လော’’ စသောဘ၀ဆိုင်ရာ မေးခွန်းများကို အစဉ်တစိုက် မေးလာခဲ့ပါသည်။ များစွာသောလူတို့က လူသည် ဤပစ္စုပ္ပန်ဘ၀တွင် စပြီး ဤပစ္စုပ္ပန်ဘ၀တွင် ဆုံးမည်မဟုတ်၊ ယခင်ကစ၍ ဖြစ်ခဲ့ပြီး သေပြီးနောက် တွင်လည်း ပြန်လည်၍ ဖြစ်ဦးမည်ဟု ယုံကြည်ကြပါသည်။ ဤသည်မှာ နောက်ဘ၀ကို ယုံကြည်မှု၏ အစပင်ဖြစ်ပါသည်။ ဤနေရာ၌ လူတို့ယုံကြည်ခဲ့သည့်အတိုင်း တမလွန်ဘ၀များ ရှိနိုင်,မရှိနိုင် (သို့မဟုတ်) နောက်ဘ၀ရှိ,မရှိဆိုသည်ကို ဝေဖန်ဆန်းစစ်ရန်လိုပါသည်။

       ယနေ့ခေတ် သပ္ပံပညာသည် အလွန်တိုးတက် နေသောခေတ်ဖြစ်ပါသည်။ ထို့ကြောင့် လူတို့သည် အရာရာကို သိပ္ပံပညာဖြင့် ချိန်ထိုးပြီး သက်သေအထောက်အထားရှိ၍ လက်ဆုပ် လက်ကိုင်ပြနိုင်မှသာလျှင် လက်ခံလေ့ရှိကြသည်။ သက်သေ အထောက်အထား မရှိသည်တို့ကို လက်ခံယုံကြည်ရန် တွန့်ဆုတ်ကြ၏။ ဘ၀ဆက်လက်ဖြစ်မှု(သံသရာ)ကိုလည်း သက်သေအထောက် အထား ခိုင်လုံစွာမပြနိုင်ဟူသော ဆင်ခြေဖြင့် သိပ္ပံနည်းမကျဟုဆိုကာ မယုံကြည်လိုကြပေ။

       ကမ္ဘာပေါ်၌ ယုံကြည်ကိုးကွယ်မှုဆိုင်ရာ ဘာသာဝါဒများရှိရာ အသီးသီးသောဘာသာ ၀င်တို့၏ ခံယူချက်များတွင် လူသားတို့၏ မျက်မြင် နားကြားစသော သာမန်အာရုံသိစိတ်ငါးမျိုးတို့ဖြင့် လက်လှမ်းမှီနိုင်သော အချက်များရှိသကဲ့သို့၊ ထိုသာမန်အာရုံသိစိတ်တို့ဖြင့် အလှမ်းမမှီ နိုင်သောအချက်များလည်း အမြောက်အများရှိနေပါသည်။

       လူ့အသိုက်အ၀န်းတွင် လိုက်နာဖွယ်၊ ပြုကျင့်ဖွယ်၊ လုပ်ဆောင်ဖွယ်စသည်တို့နှင့် ပတ်သက်၍ ဘာသာတရားတို့၏ ညွှန်ကြားချက်များသည် သာမန်အာရုံသိစိတ်တို့ဖြင့် သိနိုင်၊ နားလည်နိုင်သော အချက်များလိုလိုချည်း ဖြစ်ကြပါသည်။ သို့ရာတွင် စိတ်ဝိညာဏ်၊ တမလွန်ဘ၀၊ ကံတရား၊ နိဗ္ဗာန်စသည်တို့သည် မျက်မြင်နားကြားစသည့် အာရုံသိစိတ်များဖြင့် လက်ဆုပ်လက်ကိုင် သိနိုင်မြင်နိုင်ရန် ဖြစ်စကောင်းသောအရားများ မဟုတ်ကြပါချေ။ ထိုသို့ပင် လက်ဆုပ်လက်ကိုင် မသိနိုင်သော်လည်း အဆိုပါအရာများကို ဘာသာတရားက သင်ကြားထားသည့်အတိုင်း ယုံကြည်စိတ်ဖြင့် လက်ခံလာခဲ့ကြခြင်းဖြစ်ပါသည်။

       သိပ္ပံပညာတိုးတက်ထွန်းကားလာသော ယနေ့ခေတ်တွင် လူတို့သည် အရာရာကို သိပ္ပံပညာဖြင့် နှိုင်းချိန်လာကြရာ သိပ္ပံနည်းဖြင့် လက်တွေ့စမ်းသပ်ဖော်ပြ၍ မရသောအရာများကို တကယ်ရှိအနေဖြင့် လက်ခံယုံကြည်ရန် ၀န်လေးလာကြပါသည်။ ဘာသာတရားများက နတ်ရှိ ကြောင်း၊ ငရဲပြည်ရှိကြောင်း ညွှန်ပြသည်။ သို့သော် မည်သူမျှ နတ်များ၊ ငရဲသားများကို တပ်အပ် မမြင်ဘူးချေ။ ငရဲပြည်နှင့် နတ်ပြည်ဗိမာန်ဆိုသည်တို့မှာလည်း နက္ခတ်ပညာရှင်တို့၏ အင်အား ကောင်းလှသော နက္ခတ်ကြည့်မှန်ပြောင်းဝတွင် အရိပ်မျှပင် ထင်မလာဘူးချေ။ ထို့ကြောင့် ယင်းတို့ကို ဆင်းရဲဒုက်္ခနှင့် အကြောက်တရားများမှ ပုန်းခိုလိုသောစိတ်များက ဖန်တီးထုတ်လုပ် လိုက်သော စိတ္တဇအရာများအဖြစ်သာ ရှုမြင်သဘောထားလာကြပါသည်။

       အမှန်အားဖြင့် သိပ္ပနည်းဖြင့် စမ်းသပ်၍ မရသောအရာများမှာ သာမန်အာရုံသိစိတ် တို့၏ နယ်နိမိတ်ပြင်ပမှ အရာများသာဖြစ်နေပေသည်။ သိပ္ပံပညာဆိုသည်မှာလည်း အာရုံသိစိတ် တို့ဖြင့် အလှမ်းမှီနိုင်ရာ ကျဉ်းမြောင်းသည့် ဘောင်အတွင်း၌သာ စူးစမ်းရှာဖွေနိုင်ပါသည်။

       သို့ဖြစ်၍ အာရုံသိစိတ်ငါးပါးတို့၏ နယ်နိမိတ်ပြင်ပ၊ မျက်မြင်နားကြားစသည့် အာရုံသိစိတ်များဖြင့် အလှမ်းမမှီနိုင်ရာ နယ်ပယ်တွင် ကံ၊ တမလွန်၊ နိဗ္ဗာန်စသည့် တကယ်ရှိနေသော အရှိသဘာဝတရားများကို ငြင်းပယ်ရန် မသင့်ပေ။

       တမလွန်ဘ၀အယူအဆနှင့် ပတ်သက်၍ ပထမစဉ်းစားသင့်သည်မှာ လူအချင်းချင်းတွင် တစ်ဦးနှင့်တစ်ဦးမတူ၊ ထူးခြားသည့် အချက်များရှိနေခြင်းပင်ဖြစ်သည်။ အချို့သည် မွေးကတည်းကပင် အကျိုးအကန်း၊ ဆွံ့အသူများ ဖြစ်လာခဲ့ရပါသည်။ ယင်းအခြေအနေများကို မိဘများကြောင့် ဖြစ်ရသည်ဟု တထစ်ချမပြောနိုင်ပေ။ မိခင်တစ်ဦးတည်းမှ မွေးဖွားလာသော အမွှာပူးတို့သည်ပင် တစ်ဦးနှင့်တစ်ဦး အကျင့်စရိုက်၊ စိတ်ရင်းစိတ်ဓာတ်၊ ရည်ရွယ်ချက်လုပ်ငန်းစဉ်များ ကွာခြားသည် ကိုတွေ့ရပါသည်။ ဤသို့ဖြစ်ရသည်မှာ ယခုဘ၀နှင့် များစွာမသက်ဆိုင်ဘဲ ရှေးဘ၀များစွာမှ ကံဟူသော အကြောင်းတရားတို့၏ အကျိုးဆက်ဖြစ်ကြောင်း ယူဆရပါမည်။ လူတို့၏ အရည်အသွေး၊ ထူးခြားသည့်စွမ်းရည်၊ ထူးချွန်သည့်ဉဏ်ရည်ဉဏ်သွေးစသည်တို့သည် အတိတ်ကာလ တစ်လျှောက်လုံး အဖန်ဖန်ဖြစ်ခဲ့ရသည့် ကံ(ကမ်္မ)များ၏ ကြောင်းကျိုးဆက်သွယ် မှုရလာဒ်ဟု ဆိုရမည်ဖြစ်ပါသည်။

       စွမ်းအင်တည်မြဲခြင်းနိယာမသည် မျက်မှောက်ခေတ် ရူပဗေဒပညာတွင် အခြေခံတစ်ခု ဖြစ်သည်။ ထိုနိယာမအရ စွမ်းအင်များ အသွင်ပြောင်းသောအခါ စွမ်းအင်တစ်မျိုးမှာ ပျောက်ကွယ် သွားသော်လည်း အခြားအသွင်ဖြင့် စွမ်းအင်တစ်မျိုး ပြန်လည်ဖြစ်ပေါ်လာသည်။ ဤသို့ပြောင်းလဲ ရာ၌ စွမ်းအင်မှာ ပျက်ပြယ်သွားခြင်းမရှိပေ။ စွမ်းအင်တစ်မျိုး ဆုံးရှုံးပျောက်ကွယ်သွားလျှင် ၎င်းင်းနှင့် ညီမျှသော အခြားစွမ်းအင်တစ်ခု ပေါ်ပေါက်လာမြဲဖြစ်သည်။ ဤသဘောတရားအရ လူတစ်ဦး သေဆုံးသွားသောအခါ သေသူ၏ စိတ်ပိုင်းဆိုင်ရာ စွမ်းအင်တို့သည်လည်း အသွင်သစ်ဖြင့် ဆက်လက် ဖြစ်ပေါ်နိုင်ကြောင်း ထင်ရှားပါသည်။ သေသည့်အခါ ရုပ်ခန်္ဓာကိုယ် အလုပ်မလုပ် တော့သော်လည်း သေသူ၏ပြန်းထန်လှသော တပ်မက်မှုစွမ်းအင်သည် အရှိန်အဟုန်ဖြင့် ဆက်လက်ဖြစ်ပေါ်နေပါသည်။ ၎င်းင်းမှတစ်ဖန် ဘ၀သစ်တစ်ခု ပြန်လည်ဖြစ်တည်လာခဲ့ခြင်း ဖြစ်သည်။ ဤသည်တို့ကား နောက်ဘ၀ရှိနိုင်မှုနှင့် ပတ်သက်၍ ယုတ်္တိဗေဒနှင့် သိပ်္ပံပညာရှုထောင့် တို့မှ တင်ပြခြင်းဖြစ်ပါသည်။

အာဖရိက သို့ ဗုဒ္ဓသာသနာ ပြန့်ပွါးပြီ

အာဖရိကတိုက်၊ ယူဂန်ဒါ နိုင်ငံငယ်လေးက ခရစ်ယာန်မိသားစုမှာ Steven ကို၁၉၆၆-ခုနှစ်က ဖွားမြင်ခဲ့တာပါ။ သူဟာ ငယ်ငယ်က ဘာသာတရားဆိုလို့ ခရစ်ယာန်နဲ့အစ္စလာမ် ၂-ခုတည်းသာရှိတယ်လို့ ထင်ခဲ့တာပါ။ ၁၀ ကျော်သက်အရွယ်ရောက်မှ

အိန္ဒိယနိုင်ငံမှာ ဂေါတမ ဆိုတဲ့ ပုဂ္ဂိုလ်တစ်ဦး ပေါ်ထွန်းခဲ့ဖူးကြောင်းကိုနာမည်လောက်သာ ကြားဖူးခဲ့သူပါ။ အရွယ်ရောက်လာတဲ့ အခါမှာ သူဟာအိန္ဒိယနိုင်ငံကို နိုင်ငံခြားပညာသင် သွားခဲ့ပါတယ်။ အဲဒီမှာ ထိုင်းလူမျိုးရဟန်းတော် ၂-ပါးနဲ့ ခင်မင်ခဲ့ပြီး ဗုဒ္ဓဝါဒကို အနည်းငယ်လေ့လာခွင့်ရခဲ့ပါတယ်။

ထိုင်းဘုန်းတော်ကြီး ၂-ပါး မရှိတော့တဲ့နောက်ပိုင်း သူဟာ ဗုဒ္ဓဝါဒကိုဆက်လက်လေ့လာဖို့ သိပ်ပြီး စိတ်ဝင်စားခဲ့တယ်။ အဲဒီမှာ သူက

တိဗတ်ဘုန်းတော်ကြီး ဒလိုင်းလားမားရှိရာကို သွားရောက် အရိုအသေပေးခဲ့ပါတယ်။

နောက်ပိုင်းမှာတော့ ထိုင်းနိုင်ငံမှာ လေ့လာဖို့ဆုံးဖြတ်ပြီးစားဝတ်နေရေးအတွက် နိုင်ငံခြားသား ခရီးသွားတွေများတဲ့ ဒေသတစ်ခုမှာ

ဒိုင်ဗင်ပစ်၊ ရေကူး နည်းပြလုပ်ခဲ့ပါတယ်။ သူ့ဘဝဟာအတိုင်းအတာတစ်ခုပြည့်ပြည့်စုံစုံ နေခဲ့ရပါတယ်။ သူဟာလောကီဥစ္စာပြည့်စုံမှုတွေ မှာ ဘယ်လိုမှ မမွေ့လျော်နိုင်တော့တဲ့ နောက်ပိုင်းလက်ရှိအလုပ်ကို စွန့်လွှတ်ပြီး အမိခင်နိုင်ငံကို ပြန်သွားခဲ့ပါတယ်။
မိသားစုနဲ့ ဆွေမျိုးတွေက သူ့ကို ခရီးဆောင်အိပ်ကြီးသယ်ဆောင်ပြီး ပြန်လာမဲ့အောင်မြင်တဲ့ စီးပွားရေး သမားကြီးအဖြစ် မျှော်လင့်ခဲ့ကြတာပါ။သူ့ကိုတကယ်တွေ့လိုက်ရတော့ ဗုဒ္ဓဘာသာစာအုပ်တွေနဲ့ ဒိုင်ဗင်ပစ်၊ ရေးကူးရာမှာသုံးတဲ့ ပစ္စည်းတွေသယ်လာတဲ့ ဆံပင်ရိတ်ထားတဲ့ ယောဂီတစ်ယောက်ဖြစ်နေတာကိုတွေ့လိုက်ရတယ်။ အခြားလူတွေအတွက်တော့ ရေကူးစရာ ပင်လယ်မရှိ တရားဆွေးနွေးစရာဗုဒ္ဓဘာသာဝင် မရှိတဲ့ နိုင်ငံကို ဒါတွေသယ်လာတယ် ဆိုတော့ ထူးဆန်းနေကြတယ်။

ထိုင်းနိုင်ငံက ပြည့်စုံတဲ့ ဘဝကို စွန့်ပစ်ခဲ့တော့ အချို့က မင်းစိတ်မှမှန်သေးရဲ့လား ဆရာဝန်ပြပါလားလို့ နောက်ကြတယ်။ သူကတော့ တရားစာအုပ်တွေဖတ်တရားအားထုတ်နဲ့သာ ကိုယ့်ဟာကိုယ်နေခဲ့တယ်။ (သူမရှိတော့တဲ့ နောက်ပိုင်းမှာသူအလုပ်၊လုပ်ခဲ့တဲ့ အပန်းဖြေစခန်းလေးဟာ ဆူနာမီဒဏ် ခံလိုက်ရတော့ခင်မင်ရင်းနှီးသူတွေ များစွာရုတ်တရက်သေဆုံးသွားတဲ့ သတင်းကိုကြားခဲ့ရတယ်။

ဆရာတော်အလောင် လျာတွက်လည်း သံဝေဂယူစရာတွေ ဖြစ်ခဲ့ပါလိမ္မယ်။

(ကျွန်တော်ကတော့ သာသနာပြုဖို့ လူဖြစ်လာတဲ့ ပုဂ္ဂိုလ်ဖြစ်တာကြောင့်

နတ်ကောင်း နတ်မြတ်တွေများ စောင့်ရှောက်နေသလားလို့ တွေးမိသေးတယ်။)
အချို့သော ဆွေမျိုးတွေက ဆိုရင် စာအုပ်တွေအားလုံးမီးရှို့ဖျက်ဆီးပစ်ဖို့နဲ့ ဘိုင်ဘယ်တစ်မျိုးတည်းကိုသာထိုင်ဖတ်နေဖို့၊ သူ့ကို ခရစ်ယာန်ဘာသာဝင် ပြန်ဖြစ်လာဖို့စည်းရုံးကြသေးတယ်။ သူ့ကို အချို့ကလည်း ဆိတ်ကလေး၊ ကြက်ကလေးတွေ စားဖို့

လက်ဆောင်အဖြစ်ပေးပြီး ကြိုဆိုကြတယ်။ ဗုဒ္ဓဘာသာဝင်ဖြစ်လာတဲ့ ယောဂီလူငယ်Steven က အကောင်တွေ သတ်တာကို မလိုလားတော့ဘူး။ အထူးသဖြင့် သူ့အတွက်သတ်မှာကို လုံးဝ မဖြစ်စေချင်ဘူး။ ဗုဒ္ဓဘာသာဝင် မရှိတဲ့ဒေသမှာ

သူဟာတစ်ဦးတည်း တရားအားထုတ်နေတယ်။ တိုင်ပင်စရာမိတ်ဆွေနဲ့ နည်းခံစရာဆရာမရှိတဲ့ဘဝမှာ သူမနေနိုင်တော့ဘူး။ ပိုမိုပြည့်စုံတဲ့ အမှန်တရားကိုရှာဖွေဖို့ သူဟာ အမိမြေကို နောက်တစ်ကြိမ်စွန့်ခွာရပြန်တယ်
 တောင်အမေရီကား မြောက်အမေရီကားမှာ ဝိပဿနာတရားတွေ အားထုတ်ခဲ့တယ်။ TathagataMeditation Center TMC မှာ တရားအားထုတ်ခွင့်ရတယ်။ နောက်ပိုင်းမှာတော့သူဟာ ရဟန်းဝတ်ဖို့ကို ဆုံးဖြတ်လိုက်တယ်။ TMC စင်တာကပဲ

ဗီယက်နာမ်ဆရာတော်တွေ၊ မြန်မာဆရာတော်ကြီးတွေရဲ့ ကျေးဇူးနဲ့သာကီဝင်မင်းမျိုးမှ ရဟန်းပြုသွားသော သိဒ္ဓတ္ထဂေါ်တမ ဘုရားရှင်ရဲ့

သားတော်အဖြစ်ကို ရယူခဲ့တယ်။ ဗုဒ္ဓရက္ခိတ ဘွဲ့တော်နဲ့ မြင့်မြတ်သော ရဟန်းဘဝကို ခံယူလိုက်တယ်။



ရဟန်းပြုပြီးတဲ့ နောက်ပိုင်း ဆရာတော်ဟာ အိန္ဒိယနိုင်ငံတောင်ကြားဒေသတစ်ခုမှာ တရားအားထုတ်နေရရင် ကောင်းမလား၊ အမိမြေကို

ဓမ္မမျိုးစေ့ချပေးရရင် ကောင်းမလားလို့ အတွေး ၂-မျိုးဝင်လာတယ်။

မြန်မာဆရာတော်ဘုရားကြီး ဦးပဏ္ဍိတက ယူဂန်ဒါ နိုင်ငံမှာ သာသနာပြုဖို့ကိုအားပေးတော်မူခဲ့တယ်။ အမေရိကန်လူမျိုး အချို့ကတော့ ဗုဒ္ဓဘာသာဝင် တစ်ဦးမှမရှိတဲ့ဒေသမှာ ရဟန်းတပါးအဖြစ် နေဖို့ မလွယ်ကူနိုင်ကြောင်းစားဖို့နေဖို့ပင် အခက်အခဲရှိနိုင်ကြောင်းတွေကို ပြောကြသေးတယ်။

နောက်ဆုံးတော့ ဆရာတော်အရှင် ဗုဒ္ဓရက္ခိတဟာ အမိမြေကို ပြန်ပြီး ဗုဒ္ဓသာသနာပြုဖို့ ဆုံးဖြတ်လိုက်တယ်။ အမိမြေကို မပြန်ခင် အိန္ဒိယ၊ မြန်မာ၊သိရီလင်္ကာနိုင်ငံတွေကို အလည်အပတ်သွားရောက်ခဲ့သေးတယ်။ သိရီလင်္ကာနိုင်ငံဘာသာရေး အဖွဲ့အစည်းတစ်ခုက သူ့အပြန်လမ်းအတွက် ဗုဒ္ဓရုပ်ပွားဆင်းတုတော်၂-ဆူထဲက တစ်ဆူကို လက်ဆောင်အဖြစ် ယူသွားဖို့ ပေးလိုက်တယ်။ သူကလည်း

အရွယ်ကြီးမားတဲ့ ရုပ်ပွားတော်ကို ယူဖို့ဆုံးဖြတ်ခဲ့တယ်။

ဗုဒ္ဓဆင်းတုတော်ကြီးကို လေယာဉ်နဲ့ သယ်ဆောင်ရာမှာ ကင်ညာနိုင်ငံအရောက်အခက်အခဲတွေနဲ့ ကြုံခဲ့ရတယ်။ ဘုန်းတော်ကြီးကို မဖူးမြင်ဖူးတဲ့ လူတွေကသူ့ကို အထူးအဆန်း ဖြစ်နေကြတယ်။ ဒေသခံ Maasai လူမျိုးစုတစ်ခုရဲ့ဝတ်စားဆင်ယင်မှုနဲ့ ဆင်တူနေလို့ Maasai မဟုတ်ဘဲ ထေရဝါဒ ဗုဒ္ဓဘာသာဝင်ရဟန်းတော်တစ်ပါးဖြစ်ကြောင်းကို ရှင်းပြခဲ့ရတယ်။



အိမ်ပြန်ရောက်လိုက်တော့ မိခင်ဖြစ်သူက တအံ့တသြဖြစ်ရတယ်။သားရဟန်းကိုကြည့်ပြီး Steven မှဟုတ်ရဲ့လားလို့ မေးသေးတယ်။

ဟုတ်မှန်ကြောင်း ပြောပြတော့ မယ်တော်ကြီးဟာ သားဖြစ်သူကို အိမ်အရောက်ပြန်ပို့ပေးသော God ကို ကျေးဇူးတင်ကြောင်း ပြောသေးတယ်။ သားဖြစ်သူကတော့သူ့ကို အိမ်ရောက်အောင် ပြန်လည်ပို့ဆောင်ပေးသော ဘုရားသခင်ဆိုတာ

လုံးဝမရှိကြောင်း ကောင်းကောင်းနားလည်နေတယ်။ ဒါပေမဲ့ အမေဖြစ်သူစိတ်အနှောင်အယှက် မဖြစ်စေချင်လို့ ဘာမှ မပြောပဲနေခဲ့တယ်။



ဗုဒ္ဓဆင်းတုတော်ကြီးနဲ့ သင်္ဃန်းဝတ်ကြီးနဲ့ အိမ်မှာကြာကြာနေလို့မသင့်တော်တာကြောင့် ဗုဒ္ဓဘာသာဘုန်းကြီးကျောင်းလေး ဖြစ်လာအောင်အားထုတ်ရတယ်။ အမေရိကန်နိုင်ငံ TMC စင်တာက ဆရာတော်ဘုရားကြီးတွေ ကျေးဇူးနဲ့

ယူဂန်ဒါ နိုင်ငံမှာ ပထမဆုံးသော ထေရဝါဒ ဗုဒ္ဓဘာသာ စင်တာတစ်ခုကိုဖွင့်လစ်နိုင်ခဲ့ပါတယ်။



သတင်းသုံးရာ၊ ဆွမ်းခံရာ၊ အစစ နားမလည်သူတွေများလို့ အခက်အခဲအမျိုးမျိုးတွေ့ရပါတယ်။ မြန်မာပြည်က ပါလာတဲ့ သံဃာတော်များကိုင်တဲ့ ယပ်ကို တင်းနစ်ကစားနည်းတစ်မျိုးအတွက် ဘတ်တန်လို့ထင်သူတွေ၊ သပိတ်ကို

ဗုံးထင်သူတွေ၊ ဘောလုံးထင်သူတွေ ဝတ်စားဆင်ယင်မှုကိုကြည့်ပြီးတိုင်းရင်းဆေးရောင်းတဲ့ Maasai ထင်သူတွေ စသဖြင့် အမျိုးမျိုးသောအခက်အခဲတွေ ရှိခဲ့ပါတယ်။ ဆွမ်းခံထွက်လို့ ဆွမ်းလောင်းရကောင်းမှန်းသိသူကလည်း မရှိသလောက် ရှားခဲ့ပါတယ်။ ဒါပေမဲ့ ဆရာတော်ကတော့ ဖိနပ်မပါချေဗလာနဲ့ ကြိုးစားပြီး ဆွမ်းခံထွက်ခဲ့ပါတယ်။ နောက်ပိုင်းမှာတော့လက်လှုပ်မှ ပါးစပ်လှုပ်ရတဲ့ ဆင်းရဲသားများကတောင် ဆွမ်းလှူဖို့ သဒ္ဓါတရားတွေဖြစ်လာကြပါတယ်။



အမေရိကန်နိုင်ငံမှာရှိတဲ့ မိတ်ဆွေအချို့ရဲ့ အဆက်အသွယ်နဲ့ယူဂန်ဒါနိုင်ငံမှာ နေထိုင်နေကြတဲ့ ထိုင်းမိသားစုတွေ၊ သိရီလင်္ကာမိသားစုတွေရဲ့ လိပ်စာကို ရခဲ့ပါတယ်။ မယ်တော်ကြီးကိုပါ အတူတကွအဆိုပါ မိသားစုတွေဆီကို ကြွခဲ့ပါတယ်။ ထိုင်းလူမျိုးတွေကစုပေါင်းဖွင့်ထားတဲ့ စားသောက်ဆိုင်ကို ရောက်ခဲ့ပါတယ်။ ထေရဝါဒပုံစံစနစ်တကျ သင်္ဃန်းရုံထားတဲ့ ဆရာတော်ကို ဖူးမြှော်ရလို့ ထိုင်းလူမျိုးတွေဟာဆွမ်းကိုလည်းလောင်းလှူကြ ရိုသေစွာ ရှိခိုး ကန်တော့ကြတာတွေ့တော့မယ်တော်ကြီးက အလွန်တရာ အံ့သြခဲ့ပါတယ်။ သိရီလင်္ကာလူမျိုးကလည်းစက်ရုံတစ်ခုရဲ့ ပိုင်ရှင် အရပ်မြင့်မြင့် လူကြီးလူကောင်းတစ်ယောက်ပါ။

ဆရာတော်ကို မြင်တာနဲ့ ဗုဒ္ဓဝါဒီတို့ ထုံးစံအတိုင်းရိုသေစွာရှိခိုးကန်တော့ပါတယ်။ အဲဒီအချိန်မှာ မယ်တော်ကြီးရဲ့

စိတ်ခံစားမှုသဒ္ဓါတရားကို မြင်လို့ ဆရာတော်က လက်ျာတော်ရံ အရှင်သာရိပုတ္တရာရဲ့ မယ်တော်ကြီး ချွတ်ခန်းကို သတိရခဲ့ပါတယ်။ ထိုင်းလူမျိုးတွေက ဆိုရင်ယူဂန်ဒါနိုင်ငံမှာ ဆရာတော် သီတင်းသုံးသရွေ့ ဆွမ်းအဖို့ကိုတာဝန်ယူပါရစေလို့ လျှောက်ထားလိုက်ပါသေးတယ်။



အိမ်ကို ပြန်ရောက်တော့ တစ်ချိန်တုန်းက ခရစ်ယာန်ဘာသာဝင်ဖြစ်ခဲ့ပြီးလောလောဆယ်အနေအားဖြစ် အစ္စလာမ်ဘာသာဝင်ဖြစ်နေခဲ့သည်မှာ ၁၀-နှစ်ခန့်ကြာပြီဖြစ်သော မယ်တော်ကြီဟာ ဗုဒ္ဓဆင်းတုတော်ရဲ့ တင့်တယ်လှတဲ့

ရူပကာယတတော်ကို ကြည်ညိုတတ်ပြီဖြစ်ကြောင်း နဲ့ ဗုဒ္ဓဝါဒကို လေ့လာလိုကြောင်းသားရဟန်းပြောပါတယ်။ သားဖြစ်သူက တရာဓမ္မတွေ ဟောပြလို့ မယ်တော်၊နှစ်မတော်နဲ့ ယောက်ဖ၊ တူ/တူမ များအပြင် မိတ်ဆွေအချို့နဲ့ အနည်းငယ်သော

ယူဂန်ဒါ နိုင်ငံသားတွေဟာ သရဏဂုံသုံးပါးနဲ့ ငါးပါးသော နိစ္စသီလတို့ကိုတည်ဆောက်သူ ဗုဒ္ဓရဲ့တပည့်သာဝကများ ဗုဒ္ဓဘာသာဝင်များ ဖြစ်လာကြပါတယ်။ အခုတော့အာဖရိကတိုက်ရဲ့ ရတနာမြေ ဖြစ်သော ယူဂန်ဒါနိုင်ငံ the pearl of Africa မှာ

ဗုဒ္ဓဝါဒဟာ စတင်လို့ အမြစ်တွယ်ခဲ့ပါပြီ။



ဆရာတော်ဟာ ဂျပန်နိုင်ငံမှာ ကျင်းပတဲ့ အပြည်ပြည်ဆိုင်ရာ ဗုဒ္ဓဘာသာညီလာခံကြီးကိုလည်း ယူဂန်ဒါနိုင်ငံတော် ကိုယ်စားပြုအနေနဲ့ ပထမဆုံးတတ်ရောက်ခွင့်ရခဲ့ပါတယ်။King Oyo of Tooro ယူဂန်ဒါနိုင်ငံက Tooroဒေသရဲ့ဘုရင်လေး Oyo ဟာလည်း ဆရာတော်နဲ့အတူ အစည်းအဝေးကို တတ်ရောက်ခဲ့ပါတယ်။



မကြာသေးခင်က မြန်မာနိုင်ငံမှာ သီတဂူဆရာတော်ဘုရားကြီးဦးဆောင်ကျင်းပခဲ့တဲ့ ထေရဝါဒဗုဒ္ဓဘာသာ တက္ကသိုလ်ပေါင်းစုံအစည်းအဝေးကြီးကိုလည်း တတ်ရောက်ခဲ့ပါတယ်။



ယူဂန်ဒါနိုင်ငံ Kampalaမြို့တော်က University of Makere ရဲ့ဖိတ်ကြားချက်ကြောင့်ဟောပြောပွဲတစ်ခုကို ဟောပြောခဲ့ရပါတယ်။ အမေရိကန်နိုင်ငံ မဆာချူးဆက်တက္ကသိုလ်မှာလည်း အခါအားလျော်စွာ ဟောပြောမှုတွေ ပြုလုပ်ပါတယ်။ အဲဒါတွေကတော့ဆရာတော်ရဲ့ အောင်မြင်မှုတွေပါပဲ။

၂၀၀၉ ခုနှစ်အတွင်း ဆရာတော်ရဲ့ဆက်လက်လုပ်ဆောင်ဖွယ် ခရီးစဉ်နဲ့ လုပ်ငန်းစဉ်တွေကိုတော့ ဒီမှာလေ့လာနိုင်ပါတယ်။



Uganda Buddhist Centre
Plot 31, Garuga Road, Bulega, Entebbe
P.O.Box 16650, Kampala
UGANDA
Telephone: +256-(0)414-662203
Mobile phone: +256-(0)782-159985
E-mail : ugandabuddhistcentre@gmail.com
Web site: http://www.ugandabuddhistcentER.org/

တမလွန်ဘ၀ အယူအဆအမျိုးအမျိုး

ဆင်ခြင်တွေးခေါ်တတ်ပြီး အသိဉာဏ်ရှိသည့် ကမ္ဘာ့လူသားတို့အား ကာလအရှည်ဆုံး စိန်ခေါ်ခဲ့သော ဘ၀ပြဿနာတစ်ရပ်မှာ တမလွန်ဘ၀ (နောက်ဘ၀)ပြဿနာပင် ဖြစ်လေသည်။                “လူသား တို့သည် သေသည်၏အခြားမဲ့၌ တစ်ဖန်ဘ၀သစ် ဖြစ်ရဦးမည်လော။ သို့မဟုတ် လူသားတို့သည် သေပြီးသည့်နောက် ဘ၀သစ်တစ်ဖန် မဖြစ်တော့ဘဲ ဘ၀ပြတ်စဲသွားမည်လော”စသည်ဖြင့် တမလွန်ဘ၀နှင့် ပတ်သက်၍ စဉ်းစားတွေးခေါ်ခဲ့ကြ၏။

       အထက်ပါအကြောင်းအရာနှင့် ပတ်သက်၍ ဟိန္ဒူဘာသာ၊ ဗုဒ္ဓဘာသာစသော ကမ္ဘာ့ဘာသာကြီး အားလုံးလိုလိုပင် “လူသေလျှင်ပြတ်သည်”ဟူသော အဆိုကို လက်မခံကြပေ။ လူသည် သေပြီးနောက် တစ်စုံတစ်ခုဖြစ်ရဦးမည်ဟူ၍ကား ကမ္ဘာ့ဘာသာကြီးများက သဘောတူ လက်ခံကြသည်။ တစ်စုံတစ်ခု ဖြစ်ပုံဖြစ်နည်းတွင်သာ ကွဲလွဲမှုရှိကြပါသည်။ ခရစ်ယာန်ဘာသာနှင့် အစ္စလာမ်ဘာသာများအရ လူသေသောအခါ ၀ိညာဉ်သည် မသေဘဲ ကျန်ရစ်နေ၏။ ၎င်းင်းဝိညာဉ်များသည် ဘုရားသခင်၏ နောက်ဆုံး တရားစီရင်သောနေ့တွင် အသီးသီးလာရောက်၍ အစစ်အဆေးခံကြရမည်ဖြစ်၏။ ၎င်းင်းတို့အား ဘုရားသခင်က စစ်ဆေး၍ မိမိတို့ပြုလုပ်ခဲ့သော ကောင်းမှု၊ မကောင်းမှုအလိုက် ထာဝရသုခ (ကောင်းကင်ဘုံ)သို့လည်းကောင်း၊ ထာဝရဒုက္ခ (ငရဲဘုံ)သို့လည်းကောင်း အသီးသီး ပို့ဆောင်ပေးမည်ဟု ယင်းဘာသာဝင်များက လက်ခံယုံကြည်ကြပါသည်။

       ဟိန္ဒူဘာသာအရ တမလွန်ဘ၀ဖြစ်ပုံ

       ဟိန္ဒူဝါဒအရ ကမ္ဘာလောကကြီးနှင့်တကွ သတ္တ၀ါအားလုံးတို့ကို မဟာဗြဟ္မာကြီးက ဖန်ဆင်းပြီး သတ္တ၀ါအသီးသီးတို့၏ ခန္ဓာကိုယ်ထဲ၌ အတ္တလေးတစ်ခုစီကို ထည့်ပေးလိုက်၏။ ယင်းအတ္တလေးရှိမှသာ သတ္တ၀ါတို့သည် အသက်ရှင်ပြီး သွားလာလှုပ်ရှားနေနိုင်၏။ ၎င်းင်းအတ္တကို ဇီဝအတ္တဟုခေါ်ပြီး မည်သည့်အခါမျှ မပျက်စီးနိုင်ပေဟုလည်း ယူဆကြသည်။ ထို့ကြောင့် ဟိန္ဒူဝါဒအရ ဤကမ္ဘာကြီးအပါအ၀င် သက်ရှိသက်မဲ့အရာအားလုံးသည် ဖြစ်ပျက်ပြောင်းလဲမှု စက်ဝိုင်းအတွင်းမှ သမုတိသစ္စာများသာဖြစ်သည်။ အမှန်စင်စစ် ပရမတ္ထအားဖြင့် အနှစ်အသား ခိုင်မာစွာ ထာဝရတည်ရှိသည့် အရာမှာ “ပရမတ္တမ”ခေါ် ထာဝရဘုရားနှင့် ထိုထာဝရဘုရားရှင် ဖန်ဆင်းသည့် သတ္တ၀ါတို့၏ ခန္ဓာကိုယ်အတွင်းမှ အတ္တ(အတ္တမ)များသာဖြစ်သည်။ စင်စစ် အတ္တသည် ထာဝရဘုရား၏ အစိတ်အပိုင်းဖြစ်သဖြင့် အမှန်ရှိခြင်း၊ သိတတ်ခြင်း၊ လွတ်လပ်ခြင်းဂုဏ်သတ်္တိများနှင့် ပြည့်စုံသည်။

       သို့သော်လည်း ထိုအတ္တသည် ရုပ်ခန္ဓာနှင့် နှောင်ဖွဲ့မိပြီး မောဟအ၀ိဇ္ဇာ၏ ဖုံးလွမ်းခြင်းကို ခံနေရသဖြင့် မိမိ၏ဘ၀မှန်ကို မသိမြင်ဘဲရှိနေသည်။ ထို့ကြောင့်ပင် ရုပ်ခန္ဓာပျက်စီးသွားသောအခါ အတ္တသည် အခြားခန္ဓာအိမ်တစ်ခုသို့ ၀င်ပြီး သတ္တ၀ါအသစ် ပြန်လည်ဖြစ်ရသည်။ သတ္တ၀ါ အသီးသီးတွင်ရှိသည့် အတ္တမံခေါ်ဝိညာဉ်သည် မိမိတို့၏ကောင်းမှု၊ မကောင်းမှုအလိုက် လူ၊ နတ်၊ တိရိစ္ဆာန်ရုပ်ခန္ဓာအိမ် အမျိုးမျိုးထဲသို့ လှည့်ပြောင်းဝင်၍ ကောင်းကျိုးဆိုးကျိုးကို ခံစားရသည်။

       ဘ၀အမျိုးမျိုးတွင် ထိုအတ္တသည် မိမိ၏အညစ်အကြေးများ ပပျောက်၍ လုံးဝသန့်ရှင်းဖြူစင်သည့် အဖြစ်သို့ ရောက်ရှိအောင် အဆင့်ဆင့် ကြိုးစားကျင့်ကြံအားထုတ်ရသည်။ ဤနည်းဖြင့် ရုပ်အနှောင်အဖွဲ့တွင် ချုပ်နှောင်မိနေသော အတ္တသည် ၀ိဇ္ဇာ(ဉာဏ်)အမြင်ရရှိလာပြီး မိမိ၏ပင်ကိုယ်ဘ၀ကို သိမြင်လာသည်။ ထိုအခါ ရုပ်အနှောင်အဖွဲ့မှ လွတ်မြောက်၍ မောက္ခဟူသော ထာဝရငြိမ်းချမ်းရေးကို ရရှိသွားသည်။ ထိုသို့ ထာဝရငြိမ်းချမ်းရေးကို ရရှိသွားခြင်းဟူသည် မူလထာဝရ၀ိညာဉ် (ထာဝရဘုရား)နှင့် ပြန်လည်ပူးပေါင်းသွားခြင်းပင် ဖြစ်သည်။ ထိုမောက္ခသို့ မရောက်သေးသရွေ့ လူ၊ နတ်၊ တိရိစ္ဆာန်စသည့် သက်ရှိ သတ္တ၀ါတို့၏ အဖြစ်များတွင် စုန်ဆန်ကူးပြောင်းနေရသည်။

       ဥပမာအားဖြင့် လူသားတို့တွင် ရှိသောအတ္တကို ဆိုပါအံ့။ ၎င်းင်းအတ္တသည် ပဋိသန္ဓေ တည်စကတည်းက လူ၏ခန္ဓာကိုယ်တွင် တည်ရှိလာခဲ့ပြီး မည်သည့်အခါမျှ မပျက်စီးဘဲ အမြဲတည် ရှိနေ၏။ ထိုလူသေသွားသောအခါ ၎င်းအတ္တသည် ထိုသေသွားသောလူ့ခန္ဓာကိုယ်မှ ထွက်သွားပြီး နောက်ခန္ဓာကိုယ်တစ်ခုထဲသို့ ၀င်ပြီး နောက်တစ်ဘ၀ဖြစ်၏။ ထိုဘ၀တွင်လည်း ထိုလူသေသွား သောအခါ နောက်ထပ် ခန္ဓာကိုယ်တစ်ခုထဲသို့ဝင်၍ နောက်ထပ်တစ်ဘ၀ဖြစ်ပြန်လေ၏။ ဤနည်းအားဖြင့် ၎င်းင်းအတ္တလေးသည် ဘယ်သောအခါမှ မပျက်စီးဘဲ တစ်ဘ၀ပြီးတစ်ဘ၀ ကူသွားနေ၏။ ယင်းသဘောကို ဟိန္ဒူဗြဟ္မဏ၀ါဒအရ သံသရာဟု ခေါ်၏။

       နောက်ဆုံးတွင် ယောဂကမ္မဋ္ဌာန်းများ အားထုတ်သောအခါ ယင်းအတ္တမှာ ကိလေသာ အညစ်အကြေးများ စင်ကြယ်သွားပြီး ဖြူစင်တောက်ပြောင် လာလေ၏။ ထိုအခါ နောက်ဘ၀မကူးတော့ဘဲ “ပမရတ္တမ”ခေါ်သော မဟာဗြဟ္မာကြီးနှင့် တစ်သားတည်း ပေါင်းစည်းမိသွားလေ၏။ ထိုအခါ အတ္တသည် သံသရာမှ လွတ်မြောက်သွား၏ဟု ယူဆကြလေသည်။

      ဂျိန်းဘာသာအရ တမလွန်ဘ၀ဖြစ်ပုံ

       အိန်္ဒိယနိုင်ငံတွင် ပေါ်ထွန်းခဲ့သော ဟိန္ဒူဘာသာ၊ ဂျိန်းဘာသာ၊ ဗုဒ္ဓဘာသာတို့သည် တမလွန်ဘ၀နှင့် ကမ္မ၀ါဒကို လက်ခံသော ဘာသာကြီးများဖြစ်၏။ ထိုဘာသာကြီးသုံးခုအနက် ဖော်ပြပြီးသော ဟိန္ဒူဘာသာသည် ကမ္မ၀ါဒ၊ သံသရာဝါဒ၊ အတ္တ၀ိညာဉ်နှင့် ဖန်ဆင်းရှင်ဝါဒကို လက်ခံသည်။ ယခုဖော်ပြမည့် ဂျိန်းဘာသာသည် ကမ္မ၀ါဒ၊ သံသရာဝါဒနှင့် အတ္တ၀ိညာဉ်ကို လက်ခံသော်လည်း ဖန်ဆင်းရှင်ဝါဒကို လက်မခံပေ။ ဂျိန်းဘာသာ၏ ဦးဆောင်ပုဂ်္ဂိုလ်ကို “ဇိန” သို့မဟုတ် “မဟာဝီရ”ဟု ခေါ်ကြသည်။ “ဇိန”ဟူသော ဝေါဟာရကိုပင် ခေတ်အလိုက် “ဂျိန”(အိန်္ဒိယသံ)၊ “ဂျိန်း”ဟု ခေါ်ကြသည်။ ယခုအခါ “ဂျိန်းဘာသာ”ဟု လူသိများကြသည်။

       ဂျိန်းဘာသာအယူဝါဒတွင် အသက်ဇီဝ(အတ္တ)သည် လူနှင့်တိရိစ္ဆာန်များတွင်သာ ရှိသည်မဟုတ်။ သစ်ပင်များနှင့် မြေ၊ လေ၊ ရေ၊ မီးဟူသော ဓာတ်ကြီးလေးပါးတို့တွင်လည်း အသက်ဇီဝရှိသည်ဟု ယုံကြည် လက်ခံသည်။ ယင်းအတ္တ၏ မူလသဘာဝအရ ဖြူစင်သန့်ရှင်းသည့် ဂုဏ်သတ်္တိရှိသော်လည်း ပြုလုပ်အားထုတ်မှု(ကမ္မ)များကြောင့် ညစ်နွမ်းရပြီး ဘ၀သစ်များ တစ်ခုပြီးတစ်ခု ဖြစ်နေရသည်။ ဤနည်းဖြင့် အတ္တသည် ကံကြောင့် ခန္ဓာကိုယ်တည်းဟူသော လှောင်အိမ်အတွင်း၌ ချုပ်မိနေတော့သည်။ ဘ၀အဆက်ဆက် ကူးပြောင်းခြင်းဖြင့် သံသရာလည်နေစေရန် အတ္တကိုကံက ဒဏ်ခတ်နေသည်။ ထို့ကြောင့် ဂျိန်းဘာသာဝင်များက ကံများကို ဒဏ်များဟု သတ်မှတ်ခေါ်ဝေါ်ကြသည်။ လောဘ၊ ဒေါသ၊ မာနနှင့် မာယာဟူသော ကိလေသာများသည် ရုပ်ခန္ဓာ၌ အတ္တချုပ်မိနေအောင် နှောင်ဖွဲ့ထားသောကံ၏ နှောင်ကြိုးများ ဖြစ်သည်ဟုဆိုသည်။

       ဒဏ်ဟုခေါ်သော ကံများကြောင့် အတ္တသည် အရောင်အဆင်းအမျိုးမျိုးရှိနေရသည်။ အသွင်သဏ္ဍာန် အမျိုးမျိုးဖြစ်နေရသည်။ ၀ဋ်ဆင်းရဲမှ လွတ်မြောက်လိုလျှင် ကမ္မများကို သုတ်သင် ချေမှုန်းရပေမည်။ ကမ္မများကို သုတ်သင်ချေမှုန်းရန် နည်းလမ်းမှာ ခန္ဓာကိုယ်ကို ပြင်းထန်စွာ နှိပ်စက်ညှင်းဆဲ၍ကျင့်ခြင်း “

အတ္တကိလမထာနုယောဂ”ဟူသော အကျင့်ဖြစ်၏။ ထိုအကျင့်ကို ကျင့်သုံးရာ၌ အသက်သေသည့်အထိ ပြင်းထန်စွာ ကျင့်လေကောင်းလေပင် ဖြစ်၏။

       ဤသို့ကျင့်ခြင်းအားဖြင့် အတိတ်ကပြုကျင့်မိခဲ့သည့် ကံများ(ဒဏ်များ) ကုန်ခမ်းသွားပြီး ကံအသစ်(ဒဏ်အသစ်)များလည်း မဖြစ်နိုင်တော့ပေ။ ထိုအတ္တကိလမထာနုယောဂအကျင့်ကို ပြင်းထန်စွာ ကြိုးစားကျင့်ကြံခြင်းဖြင့် ဒဏ်များမှ ကင်းလွတ်သွားသောအခါ အတ္တသည် ပြိုးပြိုးပျက်ပျက် အရောင်အ၀ါများ ထွက်လာသည်။ ထိုကဲ့သို့ အနှောင်အဖွဲ့မှ လွတ်မြောက် သွားသော အတ္တသည် ဇိနတို့ ပျော်စံရာ စကြ၀ဠာ၏ အခေါင်အဖျားသို့ ရောက်ရှိသွားတော့သည်။ ဤသို့ လွတ်မြောက်မှုကို “ဇိနမုတ်္တိ”ဟု ခေါ်သည်။

        ကမ္မများ(ဒဏ်များ)မကုန်သေးပါက ဇိနမုတ်္တိမဖြစ်သေးပေ။ သံသရာမှ မလွတ်မြောက်နိုင်သေးပေ။ လူ၊ နတ်၊ တိရိစ္ဆာန်ဘ၀များတွင် ကျင်လည်နေရသည်။ တစ်ဘ၀ပြီးတစ်ဘ၀ ကူးပြောင်းကာ ကမ္မများ(ဒဏ်များ)၏ ကောင်းကျိုးဆိုးကျိုးကို ခံစားနေရလေသည်။

        ဗုဒ္ဓဘာသာအရ တမလွန်ဘ၀ဖြစ်ပုံ

 အနတ္တ၀ါဒဖြစ်သော ဗုဒ္ဓဘာသာ အရမူ ကြောင်းကျိုးဆက်စပ်၍ ဖြစ်ပျက်နေသော ရုပ်နာမ်ဖြစ်စဉ်အပေါ်၌ အခြေခံလျက် နောက်ဘ၀ဖြစ်သည်ဟု ယုံကြည်ယူဆ၏။ ထို့ကြောင့် ဗုဒ္ဓ၀ါဒအရ တမလွန်ဘ၀ဖြစ်ရန် အတ္တ, အသက်ဝိညာဉ်ရှိဖို့ရန် မလိုအပ်ပေ။ သတ္တ၀ါသေပြီးနောက် ရှေးဘ၀၌ ဖြစ်ပေါ်ခဲ့သည့် အကြောင်း များကြောင့် နောက်ဘ၀၌ ရုပ်သစ်နာမ်သစ်အကျိုးအနေဖြင့် ဖြစ်ပေါ်သည်ကို တမလွန်ဘ၀ဟု ခေါ်ဝေါ်ခြင်းသာဖြစ်၏။ ဟိန္ဒူတို့၏ အတ္တမံကို လည်းကောင်း၊ ခရစ်ယာန်တို့၏ ဆိုးလ်ခေါ် ၀ိညာဉ်ကိုလည်းကောင်း ဗုဒ္ဓ၀ါဒက လက်မခံပေ။ ဘ၀ကူးပြောင်းစရာ အစေ့၊ အဆန်၊ အနှစ်အသား၊ အထည်ဒြပ်၊ အသက်၊ လိပ်ပြာဟူ၍ မရှိကြောင်း လက်ခံကြပါသည်။ သေခါနီးသတ္တ၀ါသည် မိမိပြုခဲ့ဖူးသည့် ကောင်းမှုကံ၊ မကောင်းမှုကံ တစ်ခုခုကိုဖြစ်စေ၊ ထိုကံကို ပြုလုပ်စဉ်က တွေ့ကြုံခဲ့ရသော အာရုံ(ကမ္မနိမိတ်)ကိုဖြစ်စေ၊ လားရောက်ရမည့် နောက်ဘ၀၏ အခြေအနေအမျိုးမျိုး(ဂတိနိမိတ်)ကိုဖြစ်စေ ထင်မြင် စွဲလမ်းလျက်ရှိနေသည်။ ထိုအာရုံများကို အလိုမရှိသော်လည်း ထိုအချိန်မျိုးတွင် ပယ်ဖျောက်၍ လည်းမရ။ ငြင်းပယ်၍လည်းမရပေ။ ယင်းသို့သော အာရုံနိမိတ်တစ်ခုခုကို စွဲလမ်းလျက်နှင့်ပင် နောက်ဆုံး စုတိစိတ်(သေစိတ်)ချုပ်ကာ သေဆုံးသွားရသည်။

       စုတိစိတ်(သေစိတ်)ပြတ်စဲသွားသည်နှင့် တစ်ပြိုင်နက် သေခါနီးက စွဲလမ်းခဲ့သည့် အာရုံနိမိတ်ကိုပင် ဆက်လက်ထင်မြင်လျက် ဘ၀သစ်၌ စိတ်သစ်စတင်ဖြစ်ပေါ်လာရပါသည်။ သေသွားသည့်သတ္တ၀ါသည် ရုပ်နာမ်နှစ်ပါးလုံး ပျက်စိးသွားပါသော်လည်း သေခါနီးတွင် စွဲလမ်းခဲ့သော ရှေးစိတ်တို့၏ စွမ်းအားအရှိန်အဟုန်ကြောင့် နောင်ဘ၀သစ်၌ စိတ်အသစ် ဆက်စပ်လျက် ဖြစ်သွားရပြန်ပါသည်။ ယင်းစိတ်ကို ရှေးဘ၀နှင့်နောက်ဘ၀ကို ဆက်စပ် ပေးသောကြောင့် ပဋိသန္ဓေစိတ်ဟု ခေါ်သည်။

       ပဋိသန္ဓေစိတ်သည် ရုပ်ရှိသည့် ဘုံဌာနတွင်ဖြစ်မူ ပဋိသန္ဓေစိတ်၏ တည်ရာမှီရာရုပ်များ (ကလာပ်စည်းများ)လည်း ကံစွမ်းအားကြောင့် ထိုပဋိသန္ဓေစိတ်နှင့်အတူ တစ်ပါးတည်း ဖြစ်ပေါ်လာသည်။ ဤသို့ ပဋိသန္ဓေစိတ် ဖြစ်ပေါ်လာလျှင် နောက်ကာလများ၌ သိစရာ၊ ထိစရာ၊ ကြားစရာ၊ မြင်စရာများကို သိနိုင်၊ ထိနိုင်၊ ကြားနိုင်သော အာရုံသိအင်္ဂါများ ဖြစ်ပေါ်လာသည်။ ထို့နောင့် ထိုအင်္ဂါများ ဖွံ့ဖြိုးပြည့်စုံလာပြီး မြင်,ကြားစသည့် သိစိတ်အမျိုးမျိုးတို့သည် အကြောင်းအားလျော်စွာ ဖြစ်ပေါ်လာကြသည်။

ဗုဒ္ဓ၀ါဒနှင့် တမလွန်ဘ၀ ယုံကြည်မှု

ရုပ်ဝါဒအရ လူ(သို့မဟုတ်) သက်ရှိသတ္တ၀ါသည် မြူ(ရုပ်မှုန့်ရုပ်ခဲ)တို့၏ မတော်တဆ ပေါင်းစပ်မှုကြောင့် ပေါ်ပေါက်လာခြင်းဖြစ်၏။ စိတ်ဆိုသည်မှာလည်း ၎င်းင်းရုပ်တို့၏ ဖွဲ့စည်းမှု အမြင့်မားဆုံးအချိန်တွင် ရုပ်တို့၏ အရောင်ဟပ်မှုကြောင့် ပေါ်ထွက်လာခြင်းဖြစ်သည်ဟု ဆိုပါသည်။ ဤ၀ါဒအရ လူနှင့်တိရိစ္ဆာန်၊ တိရိစ္ဆာန်နှင့်အရာဝတ္ထုတို့တွင် မည်သည့်ခြားနားချက်မျှ မရှိ။ စိတ်ခံစားမှု၊ အလှအပဖန်တီးမှု၊ ကျင့်ဝတ်သိက္ခာစောင့်ထိန်းမှုစသည်တို့ကြောင့် လူသည် တိရိစ္ဆာန်ထက်ပို၍ သာလွန်မြင့်မြတ်သည်ဟုမဆိုနိုင်ပေ။ ရုပ်တို့၏ တိုးတက်မှု နိမ့်ခြင်း မြင့်ခြင်းသာ ကွာခြားပါသည်။ အခြားကွဲလွဲချက်မရှိချေ။ အရာရာသည် ရုပ်တုံးရုပ်ခဲမျှသာ ဖြစ်သည်ဟု ဆိုရပါတော့သည်။

       အထက်ဖော်ပြပါ ရုပ်ဝါဒအရ လူအပါအ၀င် သက်ရှိတို့သည် သေသည်၏အခြားမဲ့၌ ဘာမျှ မဖြစ်နိုင်တော့ချေ။ သေဆုံးပြီးလျှင် ပြတ်၍ နောင်ဘ၀ဟူ၍လည်း မရှိနိုင်ပေ။ နောင်ဘ၀ မရှိတော့သဖြင့် ငရဲ၊ နတ်ပြည်စသည်တို့သည်လည်း မရှိနိုင်ပေ။ တမလွန်ဘ၀ဆိုသည်ကို ၎င်းင်းဝါဒီများက လက်မခံကြပါချေ။ ထို့ကြောင့် ၎င်းင်းရုပ်ဝါဒီများအတွက် ဘာသာရေး ဆိုသည်မှာလည်း မည်သို့မျှအသုံးမ၀င် မလိုအပ်တော့ချေ။

       အမှန်အားဖြင့် တမလွန်ဘ၀ရှိသည်ဟူသော အယူအဆသည် အလွန်ရှေးကျသည့် ယုံကြည်ချက်တစ်ခုဖြစ်ပါသည်။ လူ့သဘာဝအရ လူတိုင်းသည် မသေလိုကြပေ။ ထာဝရရှင်သန် နေလိုကြသည်။ ထို့ကြောင့် သေရမည်ကို မလိုလားကြပေ။ သေရမည်ကို ကြောက်ကြသည်။ သို့သော် ““သဗ္ဗေ သင်္ခါရာ အနိစ္စာ”ဟူသော ဒေသနာအရ မွေးဖွားလာတိုင်းသော သတ္တ၀ါမှန်သမျှ သေခြင်းကို ရှောင်လွဲ၍ မရနိုင်ပေ။ ရှောင်လွဲမရ၍ သေရလျှင် သေပြီးသည့်နောက်၌ ဘ၀တစ်ဖန် ဖြစ်လိုကြပြန်သည်။ အမြဲတမ်း ရှင်သန်နေလိုသော်လည်း အမြဲထာဝရရှင်သန်နေရန် မဖြစ်နိုင်သော အခါ သေပြီးသည့်နောက်တွင် ပြန်၍ရှင်သန်လိုကြပြန်သည်။ ဤသည်ကိုပင် ဘ၀တဏှာဟု ခေါ်၏။ ထိုသို့ ပြန်၍ရှင်သန်လိုသောကြောင့် အသက်ပြန်ရှင်ရေးကို အလေးထားစဉ်းစားခဲ့ကြရာမှ နောက်ဆုံးတွင် တမလွန်ဘ၀ရှိသည်ဟု လိုရာဘက်ကို ဆွဲ၍ ဆုံးဖြတ်ယုံကြည်ခဲ့ကြသည်။ သို့ဖြစ်၍ တမလွန်ဘ၀ယုံကြည်မှုသည် လူသားတို့၏ သဘာဝစိတ်ဓာတ် တစ်မျိုးဟု ဆိုနိုင်ပါသည်။

     ဗုဒ္ဓဘာသာတွင် ထေရ၀ါဒ၊ မဟာယာနစသည်ဖြင့် ဂိုဏ်းကွဲပေါင်းများစွာ ရှိသော်လည်း ဂိုဏ်းကွဲအားလုံးကပင် တမလွန်ဘ၀ရှိသည်ကို လက်ခံကြသည်။ ဘ၀ဆက်လက်ဖြစ်ပေါ်မှု (သံသရာ)နှင့် ပြုလုပ်မှု(ကမ္မ)သည် ဗုဒ္ဓ၀ါဒ၏ အခြေခံအုတ်မြစ်ဟု ဆိုရပေမည်။ ၎င်းင်းတို့ မရှိလျှင် ဗုဒ္ဓ၀ါဒမရှိနိုင်တော့ပေ။ ဘ၀ဆက်လက်ဖြစ်မှု(သံသရာ) မရှိလျှင် သံသရာမှ ထွက်မြောက်ရာတရား (နိဗ္ဗာန်)ဟူ၍လည်း မရှိနိုင်တော့ပေ။ ထို့ကြောင့် သံသရာကို ငြင်းပယ်ခြင်းသည် သံသရာမှ ထွက်မြောက်ရာနိဗ္ဗာန်ကို ငြင်းပယ်ခြင်းပင် ဖြစ်၍ န်ိဗ္ဗာန်ရောက်ကြောင်းတရားဖြစ်သော ဗုဒ္ဓ၀ါဒကို အခြေမှ တူးဖြိုသည်နှင့် မခြားပေ။

       ဗုဒ္ဓ၏ဟောကြားချက်များအနက် များစွာသောသုတ်္တန်တို့တွင် ဘ၀သံသရာအကြောင်းကို ပြဆိုထားသည်ကို တွေ့ရှိနိုင်ပါသည်။ ဘုရားအဖြစ်သို့ ရောက်တော်မူပြီးနောက်  ပထမဦးစွာ အနေကဇာတိ သံသာရံ အစရှိသည်ဖြင့် ““ငါသည် ခန္ဓာအိမ်ကို တည်ဆောက်တတ်သည့် တဏှာလက်သမားကို ရှာဖွေခဲ့ရာ သဗ္ဗညုတဉဏ်တော်ကို မရနိုင်သေးသဖြင့် ဘ၀များစွာ သံသရာကာလပတ်လုံး ကျင်လည်ခဲ့ရပြီ၊ အဖန်ဖန်ပဋိသန္ဓေနေခြင်းသည် ဆင်းရဲလှစွာ၏၊ ခန္ဓာအိမ်ကို ကြိမ်ဖန်များစွာ ဆောက်လုပ်သည့် တဏှာလက်သမား၊ ယခုအခါ ငါသည် သင့်ကို တွေ့ပြီ၊ သင်သည် ငါ၏ခန္ဓာအိမ်ကို နောက်ထပ်ဆောက်လုပ်နိုင်မည် မဟုတ်တော့၊ အိမ်၏အခြင် ရနယ်အားလုံးကို ငါချိုးဖျက်ခဲ့ပြီ၊ အိမ်၏အထွတ်ကိုလည်း ငါဖျက်ခဲ့ပြီ၊ ဒိုင်းလွှားတို့ကိုလည်း ငါဖျက်ပြီးပြီ၊ ငါ၏စိတ်သည် ပြုပြင်စီရင်မှုကင်းသည့် နိဗ္ဗာန်သို့ မျက်မှောက်ပြုပြီးပြီ၊ အရဟတ္တဖိုလ်သို့ ရောက်ပြီ”ဟူ၍ ကျူးရင့်တော်မူခဲ့သည်။

       အထက်ဖော်ပြပါ ““အနေကဇာတိ သံသာရံ””အစချီသော ဘုရားရှင်၏စကားတော်သည် ဘ၀ဆက်လက်ဖြစ်ပေါ်မှုကို အထင်အရှားပြဆိုနေပေသည်။ ထို့ပြင် ၎င်းင်းဒေသနာတော်တွင်-

၁။ ဘ၀များစွာ သံသရာကာလပတ်လုံး ကျင်လည်ခဲ့ရပြီဆိုသော စကားရပ်၊

၂။ အဖန်ဖန်ပဋိသန္ဓေနေရခြင်းသည် ဆင်းရဲ၏ဟူသော စကားရပ်၊

၃။သင်တဏှာလက်သမားသည် ငါ၏ခန္ဓာအိမ်ကို နောက်ထပ်တစ်ဖန် ဆောက်လုပ်နိုင် တော့မည်မဟုတ်ဟူသော စကားရပ်များသည် ဘ၀ဆက်လက်ဖြစ်ပေါ်မှုကို ဘုရားရှင်လက်ခံတော် မူကြောင်းကို ပြသနေပါသည်။

       ထိုမှတစ်ဖန် “သောတာပန်ပုဂ်္ဂိုလ်သည် မြင့်မြတ်သော ဘုံဘ၀တွင် ခုနှစ်ကြိမ်သာ ပြန်လည်မွေးဖွားရသည်။ သတ္တ၀ါတို့သည် တစ်ဘ၀ပြီးတစ်ဘ၀ ကျင်လည်ရကုန်၏။”ဟူသော စကားရပ်တို့ကိုလည်း နေရာများစွာတို့၌ ဟောကြားထားကြောင်းတွေ့ရသည်။

       ထို့ပြင် ဘုရားရှင်ကိုယ်တော်တိုင် ဟောကြားတော်မူခဲ့သော အချို့သောသုတ်တော်များ၊ ပဋိစ်္စသမုပ္ပါဒ်တရားတော်၊ ပေတ၀တ္ထု၊ ၀ိမာန၀တ္ထု၊ အပါဒါန်ပါဠိတော်များ၊ ဓမ္မပဒ၀တ္ထုတော်များ၊ ငါးရာ့ငါးဆယ် ဇာတ်နိပါတ်တော်များစသည်တို့တွင်လည်း တမလွန်ဘ၀ သဘောတရားများကို တွေ့ရှိနိုင်ပါသည်။ ယင်းသို့သော အထောက်အထားများအရ ဗုဒ္ဓသည် ဘ၀ဆက်လက်ဖြစ်မှု (သံသရာ)ကို လက်ခံဟောပြောသူဖြစ်ကြောင်း၊ ဗုဒ္ဓ၏၀ါဒသည်လည်း သံသရာကို လက်ခံသော ၀ါဒဖြစ်ကြောင်း သိနိုင်ပါသည်။